又六缺一！「胡說八道」搵小鮮肉　黃智雯冇影

近日忙完拍攝ViuTV新劇《熟女強人》嘅胡杏兒，趁住呢段休息日子，同「胡說八道」其中幾位好姊妹姚子羚、胡定欣、李施嬅及胡蓓蔚聚會，佢仲帶埋大仔李奕霆（Brendan）出席！

「小鮮肉」Brendan完全唔怕悶，同幾位契媽玩自拍時賣萌伸脷，氹得佢哋幾咁開心，子羚喺社交網留言：「Precious Time 520，四個乾媽。」不過唔少網友就問點解唔見咗另一成員黃智雯，問係咪因為忙宣傳劇集《降魔的2.0》，所以先唔得閒嚟！

其實黃智雯不時都缺席「胡說八道」聚會，好似上次馬爾代夫之行咁，智雯又要開工未能一齊去，搞到網民都笑言：「又係一個黃智雯唔存在嘅聚會？！」