大肚天后Katy出手袋似足《孖寶兄弟》磨菇仔

美國樂壇天后Katy Perry最近推出新碟，而前晚她於社交網上載紅白色磨菇型手袋仔，仲推薦Fans買番個！

她留言說：「我知道我哋依家全部喺封閉嘅地方，但如果你真係好想外出，咁點解唔帶個磨菇包包出去？」Katy為乜咁hard sell？原來她是做善事，她表示每買一個包包10%收入會捐給受疫情影響的兒童和家庭。

有網民指Katy今次推出的磨菇手袋與經典電視遊戲《孖寶兄弟》（Mario Brothers）中磨菇仔角色好相似！查實Katy與未婚夫奧蘭度布林（Orlando Bloom）一直都係孖寶兄弟迷，之前去日本旅遊時更喪玩《孖》真人版街頭賽車。所以今次包包靈感話唔埋就係由嗰度嚟？！