老公戴耳環晒愛　周汶錡46歲生日幸福滿瀉

名模周汶錡（Kathy）的法籍丈夫Julien Lepeu早前被爆「偷食」，事後Kathy發文暗示已原諒了他，尋日係Kathy嘅46歲生日，佢除咗獲老公挨到實合照，兩公婆仲孖住走足幾場食慶生飯局。

Julien嘅妺妺喺社交網上載飯局合照，見佢哋係意大利餐廳享受生日大餐，Kathy同Julien分開兩張圓枱坐，各自招呼親友，盡顯主人家風範。

雖然分開坐，但心繫老婆嘅Julien，席間更戴上Kathy嘅大型心心耳環，相當搞笑！