懶理阿嬌！賴弘國孖黑人風騷晒肌慶生

藝人鍾欣潼（阿嬌）與台灣「醫界王陽明」賴弘國早前爆出婚變，近日賴弘國頻頻更新社交網，除密密做gym外，即將於本月28日踏入31歲嘅佢，日前更出席慶生飯局，似乎已回復心情。佢於網上晒出多張照片，同行仲有同樣5月生日嘅藝人陳建州（黑人），二人齊齊切蛋糕，並擺甫騷肌合照。而賴弘國亦留言多謝黑人嘅鼓勵，指：「謝謝陳建州的鼓勵，我會變的（得）更強。」

此外，佢亦晒出於台中嘅照片，包括與友人汪小菲嘅合照，並留言透露：「開心的台中之旅，回家真好，我愛台中。」