關智斌張敬軒齊齊扮女人　邊個靚啲？

東網電視

大家點睇？

藝人關智斌（Kenny）內地古裝劇《長相守》依家熱播緊，劇中佢要男扮女裝，令佢大嗌辛苦！Kenny今次犧牲都幾大，佢堅係要戴住胸圍，再塞多兩個橙裝假狗，着埋女裝之後行步路都辛苦過人！不過唔緊要啦，最緊要出嚟嘅效果好！

Kenny出名靚仔，扮女人其實真係難唔到佢！佢老友張敬軒亦都好鍾意扮女人，出嚟效果唔差過Kenny㗎！張敬軒曾經以「降兩度」身份開騷，佢以女裝上陣，因為要着熱褲嘅關係，佢走去剃晒啲腳毛！

軒仔同天后容祖兒老友鬼鬼，佢仲試過以「火龍果」身份扮容兒唱歌，個女裝造型都係好正！而最近，佢就扮靚女倪晨曦，兩個似足孖妹，仲自稱「異父異母的細妹倪黃昏」，非常搞笑！

Kenny同軒仔扮女人咁靚，唔知大家鍾意邊個嘅女裝造型多啲呢？

on.cc東網