阿媽被掟落街！梁競徽演悲情人物演技爆發

藝人梁競徽近年拍攝的劇集角色都令人很深刻，大有發揮機會，好似《使徒行者》中的「木蝨」、《鐵探》中的「快活谷」、《飛虎之潛行極戰》的Kenny，人物性格突出之餘，演技亦不斷提升，就算劇集播完，都令觀眾留下深刻印象。

而現時播映中的邵氏劇集《飛虎之雷霆極戰》中，競徽就飾演「唐永飛」一角，劇中他與吳卓羲最多對手戲，更與余香凝是青梅竹馬，二人更有一段情，除了動作戲之下，今次的內心戲亦相當令觀眾感動。

競徽接受東網訪問時，坦言唐永飛是一個悲劇人物，他謂：「劇中好慘，唐永飛考極都考唔到警察，之後就被人呃去做臥底，冇將佢入落臥底file入面，即係表面上佢係做緊臥底嘅嘢，但就唔係警察。」他眼見親母被人掟落街、大佬一家被殺救不到，女朋友余香凝又誤會他而愛上別人，之後唐永飛更被私刑，雙腳跛了，可謂極盡坎坷，他謂：「唐永飛呢個人真係極慘，啲人成日話佢係臥底，但其實佢唔係，之後劇情三哥（苗僑偉）畀番個身份佢，但因為唐永飛已經跛咗，只可以做文職。」