囡囡唔難湊!梁詠琪最頭痛今晚食乜餸

20200522
東網電視
更多新聞短片
梁詠琪每日要諗唔同活動畀囡囡玩。
歌手梁詠琪(Gigi)到電台宣傳新碟,以說書人為概念,當中亦有6個床邊故事。她透露今日線上推出新碟,而實體碟就預購中,反應理想,限量幾千隻,6月初會推出,而新碟包裝成紙藝書,她透露今次是不計成本製作,希望歌迷可以有個回憶,就算銷量好都不會加印,因不想對已買的歌迷不公平。講到受疫情影響,她笑言每日都要諗不同活動給囡囡玩,幸好囡囡易滿足:「畀張畫紙同畫筆佢可以玩到一個鐘,佢又試過畫櫃同浴簾,我覺得都OK嘅,有創意。」
她又大呻最煩不是要為囡囡諗娛樂活動,而是要諗一日三餐食乜:「idea就嚟乾塘,以前仲話間中可以出去食,但最近成日都喺屋企食,今晚食乜餸真係最難諗。(老公同囡囡奄唔奄尖?)好彩佢哋都易養,因為我哋食素,所以佢哋唔奄尖,慣咗清淡。」
她又笑言囡囡每晚臨瞓前,都會問明天會做甚麼:「佢會期待。(大壓力?)呢兩個星期好啲,可以行吓公園,不過疫情都可以令父母教小朋友幸福唔係必然。」她表示有意舉行網上音樂會,會與網上平台合作,計劃之後與粉絲聚會,但未有實際日期。提到有傳古天樂將與曾志偉開戲幫助業界,她覺得如果有得參與當然好,義務性質都會幫手,希望可以幫到同行。