鄧小巧拍MV出少啲自己樣:夾縫中生存

2020年05月22日 16:52
東網電視
更多新聞短片
鄧小巧第一次同麥曦茵合作,睇嚟大家都幾滿意。
歌手鄧小巧與導演麥曦茵到電台宣傳新歌《與人同行》,小巧表示跟導演認識不久,故開心可以邀得對方為她執導MV,她又笑言今次自己在MV參與很少:「但我又幾鍾意咁樣,沉重部分由演員負責,我就係光明部分。」麥曦茵又謂自己很少拍MV,今次找到陳漢娜、林耀聲等4位新演員演出,負責連起大家的痛。
小巧亦謂:「過去呢一年,無論係社會定係疫情,大家都有唔同嘅痛,難免會覺得孤單、難受,我唔係想叫大家要堅強,只係希望大家知道,可以與人同行,唔係得自己一個。」她續表示:「大家都喺夾縫入面尋找生存空間,一齊生活喺同一個城市,大家會覺得唔明朗或擔憂,唯一可以做嘅就係搵人一齊行落去,互相支持。」