湊夠個「好」字!楊洛婷認真諗造人計劃

2020年05月22日 18:31
東網電視
更多新聞短片
咁就要開Turbo!
藝人楊洛婷(Rabee’a)出席彩妝品牌活動,上周剛度過39歲生日的她表示,幸好禁聚令放寬,可以有機會出去見朋友,提到老公Tim特別訂酒店與她過二人世界慶生,原本好Sweet,不過她指頂唔順太掛住個女(Tanya),忍不住急call傭人帶囡囡來酒店,她說:「諗住老公冇咁早起身,我帶女去泳池游水,點知老公一早起身,唔抵得我哋兩個游水,變咗一家三口游水。(依家鍾意三人世界多過二人世界?)係!點算好,女好得意好多嘢講,依家我好呷醋,女成日黐爹哋,話爹哋好靚仔,我都要靚吓,我黐個女,女就黐爹哋,早排佢同老公拍廣告,我做阿四,佢依家知道開工就要化妝、整頭和唱歌。」
Tanya現已兩歲,問會諗追多個?她說:「成日諗,係時候認真啲,啲人話咁快生第二個,會錯過同第一個相處,不過冇所謂,自己諗有就有,順其自然。(湊個好字?)我想有個仔,想有個前世情人。」Rabee’a說在疫情下,主持的工作都暫停,她好趁這個時間教女兒學字,已成功教識囡囡英文字母及1至20,甚有滿足感。