廖子妤語出驚人　余香凝幫拖補鑊

藝人余香凝（Jennifer）跟老友廖子妤（Fish），為彭秀慧主持的香港開電視節目《自煮女人最漂亮》擔任嘉賓，提到節目主講「養生」，一向恨嫁的Jennifer打趣話是時候養好身子，即使未有對象，都要為懷孕作準備：「依家母愛泛濫，因為拍劇做媽媽有兩個小朋友，發覺自己都幾Ready，希望兩年後結婚、生B一次過。（擴大社交圈子？）開番工就大咗啦！（時間咁短，會生咗先結？）唔會，按步就班，可能一拍拖就閃婚。」

Jennifer又抵死叫定Fish買定金碗、金筷子到時上契用，Fish即講笑話：「我有個契仔，但好少理佢，仲會因為覺得自己都係個大細路，會同小朋友嗌交，又可能一覺得個小朋友煩，就用枕頭焗死佢！」雖然是講笑，已聽到在場人士O晒嘴，亦搞到Jennifer大打退堂鼓，取消上契之念頭，不過仍為好姊妹補鑊：「佢講吓、講笑啫，成日睇埋啲恐怖片，佢咁細膽唔會咁做啦！」