【女版趙子龍】徐冬冬百萬軍中拉弓箭

近日疫情緩和，內地影視行業逐漸復工，有「中國第一美胸」之稱嘅內地女星徐冬冬，近日被網友「野生捕獲」，話佢喺內地橫店巧遇佢開工，見佢穿上一身半露肩嘅服裝反串做趙子龍，英姿颯颯，拎起弓箭氣勢十足，每場打戲見佢親自上陣，冇搵替身幫手，非常尊業。

雖然唔少網友大讚佢呢個造型夠晒可愛，不過亦有人指佢同趙子龍本身嘅英雄形象有些少出入，但見冬冬付出百分百努力演出，似乎想帶出一個全新形象嘅趙子龍，畀大家欣賞。