多得彭秀慧！周家怡下廚得一個男人食過

藝人周家怡為好友彭秀慧主持的香港開電視節目《自煮女人最漂亮》擔任嘉賓，二人一同受訪，彭秀慧興奮指已經拍到倒數第三集，問到可會想添食？她笑言想添食都是因為想再煮嘢食：「因為學到好多嘢，同埋想邀請更多朋友上嚟，例如湯怡，佢煮嘢食好叻。（你有進步到？）個總廚都嚇怕咗我，話我係競爭對手！」又謂不怕入廚房揸鑊鏟，更抵死笑言今次邀請周家怡做嘉賓可以增加自信：「佢聽到淨係煎蛋都嘩嘩聲！」

周家怡笑指因戲劇上曾飾演過廚師，拍完廚藝叻過以前，唔淨係識煮公仔麵，現時拿手小菜是番茄墨西哥卷，說畢即被彭秀慧取笑：「全部都係切粒一齊炒，冇技巧可言！」笑問周家怡可有為男仔下廚？她大笑話：「呢個菜得我老竇食過！（學多幾樣煮？）想識男仔多啲，如果男仔識煮飯好加分，開餐廳仲可以有福利食免費餐！」彭秀慧自爆會於節目內為對方徵友：「但先要過我嗰關，因為OK嘅話我自留，哈哈！」