參演馬田史高西斯新片 劉晨芝:點死都要死返去拍

20200522
東網電視
更多新聞短片
劉晨芝坦言為了拍攝馬田史高西斯(圓圖)執導的新片,就算遇到乜嘢困難都要諗掂佢。
歌手劉晨芝到新城宣傳新歌《幸福的眼淚》,曾經在美國出過6張英文碟的她,原來出道以來未曾唱過國語歌,而且這首是慢歌,更是第一次,極富挑戰性。她說:「慣咗唱英文歌,國語發音對我嚟講有啲難度,今次首歌是由周杰倫御用作詞人方文山負責。」
有份參演大導演馬田史高西斯新戲的劉晨芝,3月時因有臨時演員確診新冠肺炎而暫停,她說剛收到通知,6月將返回洛杉磯入組:「我好驚嘅,爹哋媽咪話美國疫情仲好嚴重,我話冇法,馬田史高西斯嘅戲,點死都要死返去拍。」
她諮詢過相關部門,持美國籍返美可能毋須隔離,不過考慮到拍完後,7月返港又要隔離14天時心情十分矛盾,她說:「啱啱先喺香港隔離完,自行隔離咗三個禮拜,超過14日安全啲,如果7月拍完返香港又要隔離多次,我驚我精神錯亂,我一個人住,垃圾都要搵人幫我掉,寵物都冇。」
問留美等疫情完結才返港?,她說:「係可以,不過美國邊度都唔去得,好多餐廳唔可以坐低食飯,加州更加謹慎,唔係必要出去可以畀告票你,等如真坐監。」她說知道美國防疫物資短缺,會預一箱行李載口罩返美,供屋企人及朋友使用。