斷腳骨仲未好番 衛詩雅心急趕練鋼管舞

2020年05月23日 01:53
東網電視
更多新聞短片
時間都好趕喎!
藝人衛詩雅出席英皇電影《墮落花》首映,講到其左腳斷骨,她表示現時仍未完全康復:「所以今日都着唔到高踭鞋,但因為呢排忙做宣傳,所以物理治療要延遲,惟有自己喺屋企練動作,左邊pat pat都仲係痛,希望忙埋就快啲做返物理治療。(醫生話要幾耐好返?)要睇我有幾乖,但其實我有啲急,如無意外七月就要開戲,係跳鋼管舞,仲要用我斷嗰個位嚟勾住條柱,導演話可以畀替身我,但我唔想用,所以希望快啲好番。」
講到練鋼管舞還要時間,衛詩雅笑言:「係呀,所以希望今個月好番啦,最起碼要練一個月,所以都好擔心。」講到同門的蔡卓妍之前拍戲都有跳鋼管舞,她表示沒有請教對方:「好彩套戲係我跳得唔叻,不過有一幕就危險啲,係講我連人帶柱跌落嚟,佢哋驚我會再整親隻腳,所以會預備定替身同武指,希望拍嗰陣順利啦。」而講到其有份演出的ViuTV劇集《歎息橋》反應好,她表示很開心:「好多人都問我劇透,但我唔會講,我連媽咪都唔講,都估唔到媽咪會鍾意睇呢套劇。」