見偶像興奮 唐韋琪爆當年抄襲倪詩蓓打扮

2020年05月23日 04:43
東網電視
更多新聞短片
Vikki可以見到偶像梗係開心啦!
「兒歌天后」唐韋琪(Vikki)抱着愛犬現身新城電台接受倪詩蓓訪問,Vikki自爆自小便很喜歡倪詩蓓,當何婉盈告知倪詩蓓想訪問她時,甚為興奮,她說:「讀書年代成日買少女刊物,最後幾頁小說有一個模特兒成日出現,就係詩蓓,所以對呢個女仔好有印象,我嗰時仲跟佢剪劉海,梗係唔夠佢腳長又唔夠佢靚女啦!同佢通電話時,我直接話畀佢聽我當年好鍾意睇佢。」
Vikki大讚詩蓓年輕時十足日系女生,懂打扮樣子又甜美,她會剪下詩蓓的造型出來跟着畫畫:「我會抄襲佢着衫,我對畫畫嘅興趣就係咁磿練出嚟,我鍾意畫畫同時裝,成日諗如果我有佢咁好身形就好啦!不過事與願違,我走咗去唱歌。」在節目中,Vikki會獻唱《甜甜廿四味》,兩人還即場合作做一個短篇故事,她一人分飾三位女兒的角色,而倪詩蓓則扮惡魔女巫。
提到疫情下,Vikki做好準備,練歌、搞舞台劇和歌劇,宣揚正能量,她說:「我認為藝術可以令大家表達唔同心態,可以拉近人嘅距離,解決緊張氣氛,冇咗唔互信感覺,疫情下好多人唔信任你,大家互相懷疑,就算以前好好朋友都唔信你,甚至唔見面,人與人變得冷漠。」早前她與旗下新人張若希合唱抗疫歌,也是宣揚正能量方法,並透露若希第三首作品將面世。