原本做周星馳師兄　Bob為讀書辭演《少林足球》

藝人林盛斌（Bob）早前被田啟文踢爆是《少林足球》神秘演員之一，因劇情改動加上Bob不能留在劇組幾個月，最終無緣在《少》片登場，日前，他接受東網訪問，Bob親自解說為甚麼「托手㬹」婉拒周星馳劇組嗌留低的要求，Bob謂：「當時係因為我要返學，其實當年我喺參加星爺（周星馳）搞嘅電影選秀加入，喺二、三千人入面選出嚟，當時仲係喺周星馳、吳君如面前表演，之後贏咗就去咗珠海開工，本身就係做汽車維修員，但唔係依家出街嘅版本，係惡爺版嚟，拍好晒準備走嘅時候，因為星爺有其他諗法，就叫製片組阿頭搵我，叫我留低多幾個月，仲話有機會成為少林隊其中一個（即師兄弟），但因為我唔可以同城大請咁耐假，所以婉拒咗。」

當年《少》片一推出，票房大收，劇中一班師兄弟更因該片走紅，問Bob有冇後悔冇留低？他笑言：「都冇嘅，嗰陣時真係想讀書先，（咁如果依家周星馳再搵你拍呢？）咁梗係?飯應，哈哈！」