反白眼嗌攰　馮盈盈想做放狗女神勁Fail

藝人時不時都要上載靚相呃Like保持人氣，但原來影張靚相，都唔係一件易事！前港姐冠軍馮盈盈呢日喺社交網上載靚靚放狗相，難得可以除罩呼吸新鮮空氣，梗係要化番個妝，仲要畀心機打扮一下。

坐喺海邊嘅盈盈，在加上少少微風，真係靚到爆，不過原來影呢張相背後，見盈盈披頭散髮兼反白眼，話原來照顧兩隻狗仔係好攰，更體驗到媽媽帶小朋友出街嘅辛酸：「20200522，帶兩隻小魔怪出去放電，理想 VS 現實#人放狗 #or #狗放人#淺色係姐姐Hana#深色係弟弟波子#YorkshireTerrier#明白到媽媽帶小朋友出街的辛酸#我都無電」