愈大愈靚！愛女8歲生日　郭羨妮晒珍貴舊照

前港姐冠軍郭羨妮（Sonija）與老公朱少杰育有一女Kylie，唔經唔覺Kylie已經8歲喇！Sonija喺社交網上載囡囡出世時嘅珍貴舊照，留言：「八年前的五月二十二日，你從我的身體走出來。記得當時感覺極奇妙，這個人真的從我肚子裏長出來的嗎？老實說，對你非常陌生?。八年後的今天，你成為我生命中的最愛和知己良伴，也讓我學會了無條件的愛。只希望這隻小?能夠一生平安，健康快樂，媽媽便安心了。」靚媽鍾嘉欣都送上祝福！

相中嘅Kylie皺起眉頭，頭髮濃密，非常可愛！而依家8歲嘅佢亦遺傳咗媽咪靚樣，愈大愈靚，果然有其母必有其女，網民都話Kylie第時大個認真不得了呀！