《飛虎》有佢份!陳明恩約滿無綫先抖抖

20200523
東網電視
更多新聞短片
不過又真係好耐都冇見陳明恩!
近日有份喺劇集《飛虎之雷霆極戰》演出嘅藝人陳明恩,今日喺社交網宣布同無綫完約,《飛》劇係佢喺無綫最後一部電視劇,並感激多年來同佢合作嘅同事,指未來會休息一段時間,嘗試不同工作:「好開心有機會參與TVB《飛虎之雷霆極戰》,可以一齊飛去倫敦拍戲!真係好難忘!這是我在TVB參與最後一部電視劇,好感激咁多年可以有機會喺TVB工作, 認識到好多好有才華嘅人,同埋結識咗好多好朋友。多謝TVB、樂小姐(樂易玲)、珍姐(曾勵珍)、多謝咁多位監製、導演、前輩、藝員同事、化妝、服裝、髮型同事,同埋所有幕後同事,畀好多機會我同埋教識我好多嘢,喺我人生裏面有着好重要的歳月,我已經好掛住大家,珍惜你哋每一位。我現剛約滿,會休息一陣,稍後會繼續嘗試不同類型的演藝跳舞唱歌工作,追求一個更進步的自己,期待為大家帶來更多的新鮮感,謝謝各位。」