兌現承諾？謝東閔朱智賢做運動操Fit

藝人朱智賢早前被爆偷食人夫黎振燁，事後朱智賢同男友謝東閔開記者會道歉，謝東閔除咗力撐朱智賢之外，仲表示會抽多啲時間陪伴對方。

即將要拍攝劇集《七公主》同《刑偵日記》嘅謝東閔，喺社交網話做Keep住做運動保持最佳狀態，而朱智賢亦都去咗做運動，雖然只係見到佢嘅側面，但睇嚟佢心情已經平復唔少啦！網友指佢哋喺差唔多嘅時間上載做運動相，似乎係一齊做運動啵！