同陳嘉佳拍拖?何遠東大讚好女仔:係都我主動

2020年05月23日 18:11
東網電視
更多新聞短片
係好襯喎!
藝人何遠東現身電視幫城開工,談到日前何爸爸70歲生日,他謂:「本來想大出去擺幾圍,點知疫情關係,變咗留喺屋企煮飯,我同啲親戚講放心,遲啲點都會補番嘅。」何爸爸廚藝精湛,何家廚房是他的「私人禁地」,即使生日亦堅持親自下廚:「我哋話買隻阿拉斯加蟹慶祝,佢都話唔好嘥錢,最終只係整薑蔥炒蟹,我爸爸好慳儉。(點解唔畀伯母煮?)我媽咪廚藝認真麻麻,以前係事業型女性。(送乜畀爸爸做禮物?)我囉,仲未有辦法送多個人(女友)畀佢嘛。」
東東年前飽受情傷,問到他是否已有心理準備再墮愛河,他答:「依家都得嘅,不過日日開工遇唔到(對象),隨緣啦。(要咩條件?)性格開朗、鍾意講笑咁啦。」記者打趣指他與好友陳嘉佳(細細粒)合襯,東東搞笑回道:「佢5月29日生日,已經同我講一定要陪佢食生日飯,我就同劇組攞咗假,係咪好有誠意呢?(等佢示愛?)係都我主動啦,話唔定翌日就有好消息呢。佢係個好女仔,平日鍾意煮吓花膠同鮑魚咁。如果有床褥贊助,我諗我哋queen size都搞唔掂,哈哈!」
談到《十八年後的終極告白》贏盡口碑,東東透露:「陳山聰同譚俊彥已經搵咗監製,大家都想原班開多套劇。我覺得開喜劇會好啲,不過佢哋又話拍多套懸疑都唔錯。」\