同陈嘉佳拍拖？何远东大赞好女仔：系都我主动

艺人何远东现身电视帮城开工，谈到日前何爸爸70岁生日，他谓：“本来想大出去摆几围，点知疫情关系，变咗留喺屋企煮饭，我同啲亲戚讲放心，迟啲点都会补番嘅。”何爸爸厨艺精湛，何家厨房是他的“私人禁地”，即使生日亦坚持亲自下厨：“我哋话买只阿拉斯加蟹庆祝，佢都话唔好嘥钱，最终只系整姜葱炒蟹，我爸爸好悭俭。（点解唔畀伯母煮？）我妈咪厨艺认真麻麻，以前系事业型女性。（送乜畀爸爸做礼物？）我啰，仲未有办法送多个人（女友）畀佢嘛。”

东东年前饱受情伤，问到他是否已有心理准备再堕爱河，他答：“依家都得嘅，不过日日开工遇唔到（对象），随缘啦。（要咩条件？）性格开朗、锺意讲笑咁啦。”记者打趣指他与好友陈嘉佳（细细粒）合衬，东东搞笑回道：“佢5月29日生日，已经同我讲一定要陪佢食生日饭，我就同剧组攞咗假，系咪好有诚意呢？（等佢示爱？）系都我主动啦，话唔定翌日就有好消息呢。佢系个好女仔，平日锺意煮吓花胶同鲍鱼咁。如果有床褥赞助，我谂我哋queen size都搞唔掂，哈哈！”

谈到《十八年后的终极告白》赢尽口碑，东东透露：“陈山聪同谭俊彦已经搵咗监制，大家都想原班开多套剧。我觉得开喜剧会好啲，不过佢哋又话拍多套悬疑都唔错。”＼