蔣家旻同蕭正楠相逢恨晚：要Mark低啲Gag

藝人蔣家旻下午現身電視城為劇集《一笑渡凡間》開工。今次戲中與男主角蕭正楠（阿蕭）有不少對手戲，她表示：「佢係一個好風趣幽默嘅人，同佢開工好開心，我成日mark低佢啲gag位，佢叫我遲啲趁書展幫佢出番本書叫做《阿蕭語錄》。」她又謂阿蕭連太太黃翠如亦唔放過：「頭先睇到條片有個女主播介紹榴槤，女主播個樣有啲似翠如，阿蕭竟然話：『乜翠如似榴槤咩？』畀佢激死！」

問到家旻是否對阿蕭有相逢恨晚的感覺？她即謂：「唔使喇，我由細睇佢嘅戲、聽佢啲歌大呀。」家旻指其實自己的擇偶條件亦要求風趣幽默，記者問緋聞男友麥秋成是否合格？家旻答：「咁佢都外冷內熱嘅，不過（幽默感）要再努力啲囉。」