以為新冠肺炎勁擔心!蔡嘉欣疑食物中毒又屙又嘔

2020年05月23日 21:21
東網電視
更多新聞短片
認真慘慘豬!
落選港姐蔡嘉欣日前出Post自爆懷疑食物中毒,嚇壞一眾網民!見她先轉載一宗報道,文中指有7名食客疑進食台灣三文治後,繼而出現嘔吐、腹瀉及發燒症狀,然後嘉欣留言:「今日真係好辛苦!明明琴(尋)日龍精虎猛,諗極都諗唔明點解今日無啦啦咁!直至剛才睇到呢個News,我琴(尋)日路過觀塘見到好吸引,買咗,然後食咗4舊⋯」之後她再Post多張垃圾桶相:「雖然真係好好味,但仲有2舊真的不敢吃啦!」
擔心中招
事後嘉欣接受東網訪問,坦言不敢判斷出事是否與進食三文治有關,不過今次足已令她嚇餐飽,一度還誤以為中新冠肺炎:「一次過買咗6舊,當Lunch食咗4舊,食完第二日一起身就成個人肌肉痠痛、好攰,而且又肚屙兼作嘔,仲要有發燒!見到呢啲症狀就心諗係咪唔知喺邊度惹咗啲菌返嚟,唔通中咗招?所以都有啲驚,但選擇先留喺屋企再觀察,食咗啲成藥。」接謂當晚就睇到相關報道,發現同疑食物中毒的食客有相同病症,便開始有所懷疑:「擔心到即刻Check分店地址,懷疑我買嗰間分店嘅三文治都係嚟自同一製造工場,之後就去咗睇醫生,醫生都話唔100%判斷係關三文治事,不過就有講係腸道有問題、食錯嘢,最後開咗藥畀我返屋企『大昏迷』,依家身體好好多。」