13位索主播出山撐林燕玲 黃婉曼搶先報到

2020年05月23日 22:26
東網電視
更多新聞短片
林燕玲同黃婉曼係兩代無綫新聞部靚女。
人稱「小飛俠」的林燕玲(Ruby)和黃婉曼,一個是前新聞女主播,一個是前天氣女郎,當年二人靚絕無綫新聞部,私底下她們亦十分老友,其實二人並非同期出身,Icy說:「Ruby係我偶像,我入電視台前佢已經離開咗公司,有次想約佢做訪問了解佢人生,喺社交網約佢,雖然最後冇做到,但大家留下印象。」Ruby表示早已留意Icy,大讚對方人靚文筆好,之後二人因有共同朋友,很快熟落,她們的另一半亦是死黨。
大讚師妹夠特別
Ruby剛於上月誕子,與Icy不時分享做媽媽的心得。Icy說:「我生完第二胎時,覺得對唔住大女,照顧唔到佢,成日喊控制唔到。」Ruby亦自爆產後情緒波動:「生完好悶喺屋企執嘢,問老公啲嘢放邊度,無數次,問到佢話唔使再問,嗰刻我覺得唔受尊重、畀人漠視,忍唔住喊。事後傾番,佢意思係話我係屋企主人,應該我話晒事。」Ruby現時除了搞網上生意,她主持的ViuTV節目《女主播智好傾》,邀請不同時期的共13位女主播亮相,除了黃婉曼外,還有蔡雪瑩、駱文捷和金盈等,問到只邀靚女受訪?她笑說:「佢哋全部各有特質,都係我欣賞嘅!我覺得Icy咁鍾意睇跑馬好特別,又專登去考牌學廚,仲有身材啦,會問佢點解可以咁靚!」
Icy直言婚後離開電視台有點可惜,她說:「2014年到依家離開咗6年,當時做咗3、4年主持,學咗一個技能又放棄咗,一個事業起碼要浸十年廿年,我學習咗,但冇再練習、發揮,幾可惜!」