最快兩年後結婚!陳瀅驚咗同富二代拍拖

2020年05月23日 23:26
東網電視
更多新聞短片
疫情期間,令陳瀅有所得着!
「宅男女神」陳瀅最近由加拿大探親返港,坐完14日「疫監」即相約好姊妹蔡思貝、陳嘉寶、何雁詩等飯敍,對閨蜜有心之餘,她亦沒忽略屋企兩個寶貝!日前她戴上帽子、眼鏡及口罩,踢拖在屋企附近放狗,兩隻芝娃娃相當雀躍,不時在陳瀅身邊左穿右插,一度被狗繩纏住的她狼狽「解鎖」,行了一會因落雨而打道回府。
陳瀅的加拿大之行,因疫情而由兩星期變成三個月,直至要為無綫劇《七公主》開工才返港,她接受電話訪問時說:「呢10年都未試過咁長時間陪屋企人。」而最開心是陪伴婆婆及「湊仔」,她說:「家姐生咗個仔超級可愛,同埋好似我,我成日同人講係我個仔,哈哈!」
不再工作至上
與賭王何鴻燊公子何猷亨甩拖後,陳瀅與「衣架大王」之子劉德俊、藝人方力申、陳家樂等的緋聞都得個「傳」字,踏入30歲適婚之齡,她說:「屋企人冇催,但疫情令我心態轉變咗,以前掛住做嘢,冇諗結婚問題,依家覺得時間差唔多。唔係有個人而覺得自己Ready,而係因為疫情反思,生命有咩係最重要!」
倒數婚期
當年她與何猷亨拍拖時備受壓力,問會否再選富二代,她說:「嗰段關係真係受到好多攻擊,講真係有恐懼,真係驚咗!」不過今年初,她被拍得乘坐何猷亨的車出入而傳藕斷絲連,她澄清:「其實我同以前啲男朋友都仲係好好嘅朋友,大家都會食飯見面。」自言單身的她,慨嘆甚少機會識新朋友:「占星師話兩、三年後最有機會結婚,希望準啦!」