開Live教減肥有驚喜　黎美言搵番失散朋友

現時科技發達，唔少人都可以靠社交網同好耐冇見嘅同學聯絡，再次維繫友誼。藝人黎美言近年創立泰拳舞蹈學校，因為疫情關係，故改為網上開班授教，又不時喺社交網開直播保持人氣，點知原來有日開直播，同佢冇見成15年嘅大學同學竟然留言搵佢，先促成呢次世紀聚會，她留言：「15 years冇見嘅城大同學，今日嚟上我打拳跳舞減肥堂，之後我哋再去下午Tea增肥，呢個過程係咪大家經常經歷呢，哈哈？時間過得真係好快，多謝你喺instagram Live搵番我，不過我哋不嬲大家有Facebook，各有各忙少聯絡！#1X歲就認識 #還年輕Keep得好。」