朱敏瀚開生日P 余思霆似足女主人跟到實

20200524
東網電視
更多新聞短片
同朱敏瀚講聲生日快樂先!
有無綫「御用細佬」之稱嘅朱敏瀚尋日(23日)28歲生日,廿四孝女友余思霆為佢搞生日派對,並邀請一班好友包括張景淳、張振朗孖女友楊偲泳、羅天宇等出席,十分熱鬧。
場地擺有卡通氣球等裝飾,牆上貼有「朱敏瀚我們愛你」嘅Banner,向身為忠實球迷嘅壽星仔,送上曼聯足球3D蛋糕,認真貼心!當朱敏瀚用木棍扑爆蛋糕時,余思霆十足糖黐豆企喺旁邊,猶如女主人一樣。壽星仔喺社交網留言:「遇到比自己更着緊過我生日的朋友,我很幸福!多謝兄弟的驚喜,多謝妳的預備#朱敏瀚愛你們」