入《愛回家》兩年 George終於做主角!

2020年05月24日 09:24
東網電視
更多新聞短片
認住佢喇,佢就係張明偉!
藝人張明偉憑無綫處境劇《愛.回家之開心速遞》中「George」一角為人熟悉,佢加入劇組約兩年,尋晚播出一集終於到佢做主角,佢接受東網訪問難掩興奮之情:「真係好開心,未加入《愛回家》之前有段好灰心嘅時期,但呢套劇除咗畀咗我知名度,仲識到一班好好嘅朋友,阮政峰、周嘉洛、吳偉豪,不能盡錄,好感恩,好似講緊得獎感言,哈哈!」
其中一幕講述「George」跳出自己框框,然而現實中張明偉亦感同身受,佢表示:「有場戲需要喺山坡吊威吔拍,而我係非常非常畏高,平時喺啲商場條長電梯望出去一眼都會冒哂手汗,所以真係真情流露。」