陳國峰廁所影另類全家福！囝囝做性感金童小便

早前再做爸爸嘅陳國峰（Penny），最近終於完成新劇《踩過界II》拍攝，又要做番湊仔公喇！尋晚佢喺社交網上載同老婆黃思雅（Wing）喺廁所影嘅另類全家福，留言：「搞掂你兩兄弟，希望今晚可以瞓個好覺！」

阿Wing抱住細仔幫佢沖涼洗頭，Penny就企喺隔籬教大仔Regan去廁所，相映成趣！而當中嘅亮點就係Regan冇着衫，成個肚腩凸晒出嚟，Penny就搞笑用塊樹葉圖案遮住囝囝嘅何B仔，好友周志康忍唔住大讚：「要用咁大塊樹葉?叻仔?」唔少網民都覺得好好笑，仲話係「性感金童?」呀！