偷刪負評同羅志祥復合?周揚青終於發聲

2020年05月24日 11:04
東網電視
更多新聞短片
究竟周揚青點揀?
台灣天王羅志祥(小豬)喺「520」向舊愛周揚青發表7千字懺悔文,唔少網民都覺得佢想求復合。另邊廂,周揚青就被指刪走早前力數小豬嘅留言,令復合傳聞甚囂塵上。而尋晚,佢終於發聲回應!
有網民喺佢社交網小號留言:「傷害了你分手後的三個月內,他在幹甚麼?頻繁發動態,和嫩模女主播開趴體。你發長文曝光他,第一條還不是很誠懇道歉,後面愈來愈『誠懇』,這說明甚麼?讓他最介意的不是你們分手,而是他的人氣和口碑!」之後佢就回覆:「刪掉甚麼?我甚麼都沒刪過!」另有網民讚佢:「戀愛腦到事業腦,瀟灑轉身!」佢就話:「我現在一心只在拼事業!」之後佢又分享同愛貓合照,有粉絲留言鼓勵:「希望你可以遇到更好的他,然後做最好的自己。」佢就非常樂觀:「不着急,先做最好的自己,然後最好的他才會出現。」而佢又喺另一社交平台更新上載食好嘢嘅相,睇嚟真係復合無望?
而另一主角小豬,佢嘅自家潮牌尋日(23日)有新品上架,得知消息後眾多台媒紛紛前往店鋪門口,希望獲取第一手資訊,惟五小時僅一人進店,圍觀嘅記者比顧客還多。