結婚10年飽受人身攻擊!林志穎老婆爆喊:萬箭穿心

2020年05月24日 13:44
東網電視
更多新聞短片
幸福背後…
有「凍齡男神」之稱嘅台灣男星林志穎,帶埋老婆陳若儀(Kelly)及媽媽參與嘅大陸真人騷《婆婆與媽媽》最近播出,節目公開佢哋夫妻及婆媳之間嘅相處方法!
模特兒出身嘅陳若儀婚後淡出娛圈,今次激罕公開亮相,喺節目其中一幕,當佢準備出去話幫奶奶買衣服時,林志穎就表示想一齊去,陳若儀連忙拒絕,堅持只要自己去:「你去……我壓力很大。」
事後佢受訪時,談到結婚10年來,「林志穎老婆」呢個身份令佢壓力好大,受訪時更忍唔住落淚,坦言結婚後好容易崩潰:「這10多年一直會被輿論攻擊,長得醜呀、你憑甚麼嫁給他呀、你有甚麼才能呀、你爆牙……就是各種人身攻擊,萬箭穿心。」
不過佢話最難捱嘅時間已經過去,當諗起呢啲惡評時,都會有啲擔心,甚至後悔拍呢個節目,而深明愛妻困境嘅林志穎就安慰對方要放鬆啲:「做自己就好我們是要呈現給支持我們的人看的。」