【張栢芝「仔仔」】22歲原島大地宣布結婚

現年22歲、童星出身嘅中日混血兒原島大地，今日宣布已升呢成為人夫，與日本圈外女友拉埋天窗！佢喺社交網上載合照，並留言：「我結婚啦，老婆是22歲的日本女孩HaRuNa（晴奈）謝謝大家一路以來的關心。願大家平安健康！」相中見佢準備咗一大束紅玫瑰，二人喺海邊大歎燭光晚餐慶祝，相當浪漫！

原島大地6歲時憑電影《忘不了》中飾演張栢芝兒子一角而為人認識，當年更獲提名金像獎「最佳新演員」。而近年佢亦有繼續幕前工作，2018年更於電影《某月某日》擔正與湯怡飾演一對小情人，當時18歲嘅佢亦自爆從未拍拖，直至拍攝該片後先開始對戀愛有憧憬。