疫情下不放棄　柳妍熙練習生訓練學校再延開

藝人柳妍熙接受香港開電視訪問，重提投資過千萬籌辦的藝人練習生訓練學校，因新冠肺炎疫情影響，開校進度一再延期，令她大失預算：「學校拖咗咁耐都未開到，但租金就一直要交，所以都好大壓力，不過樂觀啲睇，我有充分時間準備得更好，我當正學校係我BB一樣，期待佢嘅出世！」

身為前國家短跑運動員的她，坦言辦學過程縱然波折重重，但就如比賽一樣不會輕言放棄：「可能我有運動員精神，就算疫情下我都冇諗過放棄，堅持到底！為咗籌備學校，我每日瞓得3、4個鐘。雖然辛苦，但覺得好充實，好開心！」

當被問到籌辦學校的同時，能否兼顧其音樂工作，柳妍熙坦言：「其實有時都好對唔住啲Fans，特別係呢2年，成日都話想出歌，希望今年底或者出年，可以有多啲新作送畀大家。」