緊身褲開工　唐詩詠助黃翠如排宿便

藝人黃翠如在將軍澳電視城為無綫新劇《七公主》開工。黃翠如透露近日與杜燕歌拍攝鬧交戲，她笑說：「套劇嘅演員都話開頭係拍啲情緒戲，大家都係透過鬧交嘅方式去熟絡。」黃翠如一連七日拍攝律師樓戲，已經有不少對白要背，但隨後拍攝的法庭戲才是真正考驗。

問到可有煲定養聲湯水？黃翠如笑說：「頭先喺化妝間見到唐詩詠，問佢攞紅棗茶飲，佢唔肯畀我，仲攞咗我啲化妝品。不過，呢個女人都好sweet嘅，佢套劇要露腰，我就要着緊身西褲，佢畀咗啲話好貴嘅綠色食品幫助排宿便，希望遲啲有人搵我哋做宿便代言人啦。」

講到蔣家旻與蕭正楠拍攝《一笑渡凡間》大讚他充滿幽默感，黃翠如笑說：「唔好畀佢知，唔係佢會驕傲，可能因為佢屋企女人多，佢遺傳咗爸爸嘅幽默感，係屋企嘅開心果。」