靠唐詩詠帶入戲！伍樂怡螢幕初吻仲喺度

前港姐伍樂怡（Kelly）在將軍澳電視城為無綫新劇《超能使者》開工，她以家居Look準備開工，劇中與唐詩詠住在一起，有不少對手戲。問到與視后唐詩詠拍劇可會緊張？她說：「自己經驗唔夠，初頭有啲緊張，但係啲前輩好好，會帶住我哋同分享心得，好開心接受呢個挑戰。」

問到有甚麼改善空間？她說：「都好多，譬如走位、燈光都要注意，唔止自己，仲要照顧埋對手，同埋掌握節奏都好重要。」她透露暫時所知劇中沒有親熱戲，仍未獻出螢幕初吻。