揭開愛上山地車之謎　吳浩康望衝出香港

英皇歌手吳浩康（Deep）近期愛上玩山地車，原來跟他的童年生活有關︰「細個住元朗去邊都會踩單車，就好似人車合一咁，到大個咗就好想搵番當時嘅生活，早幾年前鍾意埋Camping，就喺度諗如果喺山度踩埋單車會好正，於是開始買單車、搵教練學。」續興奮指踩山地車最大樂趣是一直面對新挑戰，特別是路面不平最刺激︰「皮外傷點都一定有，不過唔會好似大家諗到咁危險、恐怖。對我嚟講最大困難係要突破體能，好地獄式訓練，平均一星期訓練五日，最長試過連續踩8、9個鐘，可以乘機Keep弗。」

習慣每次踩車都拍片紀錄的他，現有跟教練組織踩車團，希望幫手推廣運動︰「喺香港玩呢行運動佔盡地理優勢，由市區去郊外好近，又有十幾條有規劃過嘅合法越野單車徑。」談及早前首次參加比賽便勇奪亞軍，Deep坦言終極目標是衝出香港，希望於2022年出戰南非多日賽。