孖阿姐行山！郭子豪鄧卓殷搵新「電燈膽」陪拍拖

「阿姐」汪明荃雖然已經72歲，但係依然精神抖擻，勤力做Gym外又去行山！繼早前同「緋聞情侶」郭子豪及鄧卓殷（Amber）出動執垃圾後，尋日佢哋又去行山，「郭鄧」更搵多個「電燈膽」掩人耳目，佢就係何雁詩喇！

阿姐喺社交網上載合照，留言：「天氣好，適合行山，很輕鬆。」除咗有「汪阿Tag」外，佢亦有喺留言Tag，但點知只係打咗佢哋個名，冇真係Tag到，而Tag Amber時，更錯手Tag咗一位素人嘅帳號，非常搞笑！而網民就話估唔到阿姐同佢哋年齡相差近半世紀，都咁啱Key呀！

Amber就只上載「山系女王?與山系女生」合照，冇郭子豪份，咁避忌？