天堂鳥翻唱《伴我啟航》獲原唱胡渭康客串

男子跳唱組合天堂鳥（BOP）翻唱前組合小虎隊成名曲《伴我啟航》，除了對小虎隊致敬之外，亦係想藉此機會同一班即將踏入社會既新力軍合作，一方面配合宣傳新歌《冒險島》，亦想喺合作裏面擦出新火花。

成員Gordon說：「好開心今次可以同一班大學生合作，佢哋有好多新鮮嘅諗法同拍攝方向，整個編排同拍攝方向都係佢哋由零開始諗出嚟，我覺得同佢哋合作令我哋都變得好熱血，雖然拍攝當日真係好熱。哈哈」

Lincoln表示拍攝當日天氣非常好，但為了呈現最好的效果，他們都完美複製《伴我啟航》入面小虎隊造型，烈日當空着住衛衣拍攝好熱血。Tyrese則說：「坦白講我哋三個曾經都係滿懷夢想出發，慢慢地時間長了，少不免會有磨滅咗初心，但今次同一班年青人合作都令我哋可以重拾當初為夢想出發嘅動力。今次我哋最高興係可以邀請到小虎隊成員胡渭康哥哥客串咗其中一幕，希望今次由我哋三個重現經典，帶畀大家另一種感覺。」