邊個廚房最亂？郭奕芯批㬹楊天宇玩踢爆

藝人郭奕芯（Ashina）、楊天宇（Angus）、黃奕晨、陳欣妍、沈殷怡、譚凱倫等，今日為ViuTV節目《辣伙頭•開火》進行拍攝，即場分成兩組經營餐廳對決。郭奕芯、Angus、陳欣妍是同一隊，受訪時問到三位的廚藝如何？Angus指廚藝不佳，故只被分配切菜、洗菜重任，而陳欣妍則大爆取勝絕招：「諗住係靠Angus嘅英俊外表、健碩身材吸客。」Angus聽到都話唔介意晒肌：「唔會一嘢拒絕。」

講到參賽者於上一季是配以性感造型煮嘢食，Angus即失望踢爆今季冇睇頭：「佢哋套廚師褸封到上頸，冇得救㗎啦，哈哈！唔係嘅，今季唔再賣弄性感，希望觀眾睇廚藝。（想要個識煮嘢嘅女友？）最好！呢個係技能，但唔係話唔識會扣分，只係識嘅會加分。（兩位隊友邊個煮得好食啲？）咁又未試食過佢哋煮同一個菜。」至於問到邊個廚房較亂時，郭奕芯即批㬹Angus，似是無意中踢爆係Angus！另外，陳欣妍冧指有為男友沈震軒下廚，又謂男友唔夠膽批評：「因為我煮嘅係好味嘅！」