劉穎鏇預告大膽出浴戲　畀陳山聰睇全相？

藝人劉穎鏇與陳山聰為無綫新劇《超能使者》開工，昨日（24日）23歲生日的劉穎鏇，一班演員如林子善等，特別為壽星女準備蛋糕慶祝，但要劉穎鏇為咗Keep Fit只係食少少，但就多謝同事和朋友送蛋糕的心意，因劇中她演Wet妹，好多是露腰和短褲戲服，為了上鏡靚，都要忍口，並笑言：「依家Fit過選港姐嗰陣。（緋聞男友胡㻗有齊齊慶祝？）佢有同我講生日快樂，但忙開工，都冇見面或食飯。」

劇中劉穎鏇跟陳山聰演是一對，有一場浴室對手戲很爆，會交代她被睇全相，在旁的山聰說：「劇情會講我哋會一齊住，所以有場戲，我就去廁所，佢就沖涼，但尺度當然唔會全裸，佢最多都係騷膊，我就冇嘢好露，我哋係歡喜冤家咁囉！不過今次劉穎鏇嘅角色係一個挑戰，之前未見過佢有咁嘅演出。」劉穎鏇謂好緊張這場戲：「唔知會點拍，但都要Keep Fit，同劇嘅唐詩詠都係要Keep Fit，全程都係食吓蛋，雞肉，以前開工嘅零食，好似薯片咁都禁食啦！」