Queen結他手Brian May自爆心臟病發險死

英國搖滾樂隊Queen的72歲結他手Brian May於社交網站透露早前心臟病發，在鬼門關走一轉！

Brian表示：「我本來以為自己係好健康，但結果發現有三條動脈塞咗，幾乎斷絕流去心臟嘅血液供應。」他接受手術在血管中搭起支架，撐起閉塞的血管，現在回復健康。他表示：「我做完手術後依家心臟好強壯，我諗之後一段時間都會好掂。」

消息曝光後，大批粉絲踴躍留言給予Brian祝福與致敬，他深受感動，再拍片答謝：「我知咁講係好怪，但感覺係好似我死咗，但仍然有機會出席自己葬禮，聽到所有致敬。我成日諗，葬禮時你成日聽到好美妙嘅致詞，但死咗嘅人根本聽唔到。而我好幸運可以聽到晒，依家我人生已經完滿啦！」