陳曉華暴脹10幾磅　打重陰影博「瘦面」

前港姐冠軍陳曉華以一身黑色運動look在將軍澳電視城為無綫新劇《七公主》開工，造型cool爆的她說：「因為個角色有兩種唔同性格，今日拍暗沉一面，所以開工之前都會靜啲，匿埋一邊去準備情緒入戲。」

身形甚弗的陳曉華自爆有一陣子沒有開劇，體重也急升，體重比起選港姐時體重更重了10多磅，她笑說：「今日化妝都打好重陰影，唔係上鏡會好肥，近期亦頻頻運動踩單車、跑步、打拳，做好多運動，希望減十磅。」