黃建東王敏德蝦碌片段變最受歡迎彩蛋

充滿創意和搞笑細胞的藝人黃建東（東東）最近與型男王敏德（Michael）合作拍攝男士育髮精華廣告，東東分別以負離子長髮豬肉佬和特朗普造型上陣，非常爆笑，再加上東東用上去年hit爆的二次創作《What Time Is It?》令大家忍俊不禁，他表示：「今次可以同男神前輩王敏德合作非常榮幸。佢一舉手一投足都係咁散發型佬味道，希望同佢合作完我嘅型男指數可以上升丁點。」

全條片最多人談論是廣告尾段彩蛋環節，Michael跟東東說不好意思自己已經結婚，東東回應有心唔怕遲，然後Michael回覆了一句東東聽不明的說話，東東忍唔住問佢講乜嘢：「其實呢個部分係導演給我們的臨時即興環節，看看我和Michael有甚麼方法火花，跟住我哋就 jam咗呢個翹手曖昧環節，點知我現場聽唔明Michael的回覆，然後問佢講乜嘢，跟住全場爆笑，所以最尾決定把這個蝦碌放進影片裏，結果大受歡迎。」Michael話要先通知老婆，盡顯愛妻號一面冧盡網民