讚何鴻燊商業奇才　霍震霆：最鍾意話自己戰無不勝 ！

賭王何鴻燊病逝，當年他與霍英東一起打天下，創澳門賭業及進軍地產界，兩家人深交半個世紀。

霍英東兒子霍震霆大讚賭王是商業奇才，對於他病逝大表傷感，他說：「今日收到呢個消息都好唔舒服，雖然知佢病咗好耐，但都覺得好突然。（有冇探過佢？）早期都有，後來都唔想打擾佢休息。我哋同佢哋識咗咁多年，兩家人關係好好，大家除咗生意上嘅合作，佢仲係我Uncle，我喺佢身上學到好多嘢，佢係商業奇才，個人仲好幽默，有佢出現嘅地方就冇冷場，有時食飯佢坐喺我隔籬，佢就會講古仔，佢好鍾意講古仔，同佢好多生活上嘅點滴，都係好好嘅回憶，記得細個時佢同我爸爸一齊打網球，最鍾意話自己『戰無不勝 』。」

《一代賭王何鴻燊的一生》專頁： https://hk.on.cc/fea/stanleyho/