阿媽唔畀未婚生B 湯洛雯:怕我蝕底!

20200526
東網電視
更多新聞短片
咁真係要小心啲喇!
藝人湯洛雯為無綫新劇《一笑渡凡間》開工,劇中飾演捕快的湯洛雯罕有地以一身女妝示人,她說:「今日真係千載難逢,成套劇都係男人婆嚟,剩係得呢個女仔look,講我畀人捉去扮靚,然後畀蕭正楠撞到,眼前一亮。」
湯洛雯早前被爆買逾四千萬豪宅,即時成為圈中「筍盤」,她笑說:「單身啫,唔敢當,其實都係同屋企人住,屋企人先係筍盤,唔係有家底,我都要供樓。不過,因為開工所以都冇時間去識人係真嘅。(去參加船P識人?)我唔曬得,開外景已經由朝曬到晚,放假我都係喺屋企瞓覺,繼續做宅女,緣分就等佢漂嚟啦,哈哈。(搵個筍盤幫手供樓?)話搵就搵咩,不過依家大部分人都遲婚,寧願搵到啱嘅人,都唔想離婚,結得婚就一生一世。(父母有冇催婚?)冇,不過我阿媽好驚我未結婚就有BB,由十幾歲已經講到依家三十幾歲,叫我哋唔好蝕底,哈哈。」