認番個「仔」！簡淑兒周嘉洛跨代相遇世紀同場

處境劇《愛．回家之開心速遞》中，「金城安」周嘉洛同「熊尚善」滕麗名呢兩母子經常大鬥法，笑料百出，深得網民喜愛。而飾演年輕版「熊尚善」嘅簡淑兒，竟然同周嘉洛「跨代世紀同框」，佢喺社交網上載二人合照，並留言：「我個仔」。

而出名係「童顏女神」嘅佢今次再度着上校服扮學生，搞到佢都忍唔住笑指：「仲演學生，我都唔好意思」，不過網友就好受落，激讚佢做學生妹簡直「零違和」。