翻版林峯！《愛．回家之開心速遞》Keyboard離巢無綫

憑《愛．回家之開心速遞》而令人認識嘅IT三子之一嘅「Keyboard」李興華，被爆原來已經約滿無綫離巢，咁即係意味IT三子解散？

李興華入行初期有翻版林峯之稱，係2010年無綫電視藝員訓練班學生，同期有方紹聰及李君妍等，而之前佢就做過電台DJ 3年。加入無綫後，佢第一套有角色名嘅劇係《法證先鋒3》，飾演胡定欣嘅助理，其後參演不少大熱劇，好似《金枝慾孽貳》、《同盟》、《解決師》及《陀槍師姐2020》等，而喺現正播放嘅《降魔的2.0》，扮演染上不良嗜好嘅爸爸，喺警署爆喊一幕更打動人心！佢仲演而優則唱，早年透過內地流行社交平台直播比賽，喺觀眾投票下更奪得亞軍！

而離巢後有咩發展？除咗拍劇，佢仲會同啲新媒體合作，返大陸拍戲，挑戰未試過嘅電影拍攝！