【台上一分鐘】秘密練兵做打女　劉穎鏇周身傷

藝人劉穎鏇（Tiffany）與陳山聰於新劇《超能使者》中飾演一對，二人有不少動作戲份，故二人都非常努力，向郭師傅學習功夫，更要耍兵器，而山聰更是全劇中最好打的一個。

二人拳腿生風，有板有眼，Tiffany謂：「監製好好，安排我哋學幾堂，練好啲姿勢。（辛唔辛苦？）OK嘅，之前拍《兄弟》時都有拍打西洋拳戲份，所以唔太困難，但要執靚啲姿勢，同埋呢套有啲唔同，我未試過踢腿起腳打，呢方面係第一次試，本身自己啲筋都比較硬，依家有時間都會拉吓筋。」

問她練習時有沒有受傷，她坦言起初與武指練習時對方都好好，很有耐性，但她不懂就力，所以隻腳有瘀痕：「我係瘀咗都唔知，到正式時都冇得戴pad，全部戲份都係短衫短褲，到時可能要武指就吓我！」