自爆男人的浪漫　KB火火幫手求婚回饋社會

業餘中佬組合「雙龍出海Double Dragon」成員火火及KB參演ViuTV真人騷《萬人幫拖搞邊科》，他倆全靠港人幫助下順利舉行演唱會，並將組隊開演唱會的過程拍攝成真人騷。

下星期KB、火火將歡樂給一眾「龍友」，現身幫拖求婚送花，並在婚禮上唱歌助慶，相當落力！二人亦在節目中大爆當年的求婚浪漫史，原來兩個大男人都有深情的一刻！

KB指求婚過程非常簡單，在雪地搭住女朋友的膊頭一齊自拍，她在螢幕裏見到KB拿着戒指，即緊張地叫「你唔好跪喺度呀！好多人望住！得喇！」KB就這樣求婚成功了！

而火火憶述當年因為有小朋友才結婚，但仍希望向老婆表達誠意，當時二人到泰國旅行，火火在床邊拿着戒指跪低求婚，認真地說：「想你衷心知道唔係為咗小朋友要你嫁畀我！你可唔可以因為愛我而嫁畀我！」